“सीमेवरून सैन्य हटवा, तरच पुढे चर्चा होईल”, अजित डोवालांनी चीनच्या परराष्ट्रमंत्र्यांना स्पष्टच सांगितलं

नवी दिल्ली : चीनचे परराष्ट्र मंत्री वांग यी (Wang Yi) आजपासून भारत दौऱ्यावर आहेत. दरम्यान, भारताचे राष्ट्रीय सुरक्षा सल्लागार अजित डोवाल (National Security Adviser Ajit Doval) यांनी चीनच्या परराष्ट्रमंत्र्यांना स्पष्टपणे सांगितले आहे की, जोपर्यंत चीनचे सैन्य प्रत्यक्ष नियंत्रण रेषेवरून (Line of Actual Control -LAC) हटवले जाणार नाही, तोपर्यंत दोन्ही देशांमध्ये कोणतीही चर्चा होऊ शकत नाही.

दीड तास चाललेल्या बैठकीत भारताने सीमाभागातील उर्वरित भागात तातडीने आणि पूर्णपणे चिनी सैन्य मागे घेण्याची गरज असल्याचे म्हटले आहे, जेणेकरून द्विपक्षीय संबंध योग्य मार्गावर येऊ शकतील. एएनआय या वृत्तसंस्थेनुसार, भारताने शांतता प्रस्थापित करण्यासाठी राजनैतिक, लष्करी पातळीवर सकारात्मक चर्चा सुरू ठेवण्यावर भर दिला आहे. अजित डोवाल यांनी वांग यी यांना ही कारवाई समान आणि परस्पर सुरक्षिततेच्या भावनेचे उल्लंघन होणार नाही, याची काळजी घेण्यास सांगितले आहे.

Leave a Reply

Your email address will not be published.